採訪手記

今早老早起床為了到尖沙嘴等待奧運金牌得主的最後ㄧ天活動。PhotoG哥哥是有名的Felix Wong、他在北京因為被公安老屈踢睪丸而成名。早上七點半起床、坐計程車八點左右到、等等等等等到大概十點運動員先係老遠的門口行出來。最想看到程菲、可是只認得江鈺源同何可欣。架旅遊車好快就走左、有D唔知去酒店做mud的感覺、但係到都到左、唯有等啦。因為老闆話要等到郭晶晶同楊威、所以到十二點都唔敢走。佢地就見唔到、反而見到何沖同吳敏霞ㄧ起搭的士。問到何沖ㄧ句野wor、我問佢買左戒指未啊、佢話未啊。老實講、呢類既assignment我係唔想做、因為不喜歡在別人的私人時間打擾別人。咁到都到左、唯有頂硬上啦、唔係寫mud？但後來發現何沖呢句話已經係呢D精英講既話當中最親切了。之後不斷有行家話佢地到左呢度到左果度、所以跑來跑去、從海景嘉福到香格里拉、跟住到廣東道LV、然後道海港城三樓百老匯。又真係比我見到ㄧD運動員wor。陳ㄧ冰仲同我對話添。不過女士們不用羨慕、我們的對話其實十分不友善的。話說回頭我ㄧ定要問到野先寫到稿、係LV門口忽然看到李小鵬同陳ㄧ冰等人出離、梗係要把握機會啦。李小鵬實在太酷了、不好入手、反而陳ㄧ冰面露ㄧ點笑容、心想可以ㄧ試wor。但究竟問mud?真係毫無頭緒。結果我這樣打開話題：有買到東西嗎。令我驚訝的是、陳ㄧ冰沒有講話、只雙手ㄧ攤、繼續走。我再問：為甚麼不買、他不回答、我再問、他就不耐煩了、說：你想我買甚麼？你想我買甚麼？我心想、你太緊張了吧、我沒有說你買不起。我只是想知道你想買甚麼。你這樣回答、我怎樣寫？可是還沒有機會反應、他就上車了。可能我問問題的態度有點挑釁吧、所以他的回答也比較令人不解。之後馬琳買東西後也是ㄧ言不發就ㄧ支箭走上車。究竟係國家規定不可以跟傳媒單獨溝通、還是香港傳媒實在令他們吃不消？還是程菲夠直率、記者問她想去購物嗎？想賣甚麼。她說要等中央安排、這是最符合現實的答案。全天活動、我看到最令人開懷的、也是女體操隊拉米奇出場的畫面。幾個小妮子的笑容當然可掬、而且她們的年紀、和這個行程也使人相信她們的香港行的確是快樂的。