坐過隔離臺啦

今日同個中學同學食飯，我同佢呻自己追女仔追極都追唔到，我將最近發生既事講比佢聽，佢既結論係其實個女仔已經有比機會我上，但我自己唔醒覺。當我同佢講我連送個女仔翻屋企既膽量都無，佢話佢好目弟唔起我，叫我坐過隔離臺。無錯，我係好無用，ㄧｄ膽識都無。件事都拖左咁耐，幾個月了，發顛試過好多次，正經試過好幾次，始終鼓唔起勇氣同佢表白。我怕失敗，太怕了。點解？其實自己知道。我從小到大從來沒有試過失敗，家庭，經濟，學業，工作，ㄧ切順利，從無挫折。對於ㄧ個咁樣既人離講，在別人眼中可能好型，好幸福，其實佢係非常脆弱既。點解我所有事情都咁容易得到？因為我從來都無膽量去試ㄧｄ我自己覺得鐘意，但又覺得好難達到既野。得到既，好平淡，沒有真正既快感。未必得到既，都從來唔會失敗，因為我根本唔會去試。呢次鐘意呢個人，都一樣，從鐘意到自己以為唔鐘意，到自己肯定真係鐘意，幾年了，結果呢？之前果次係毫無動作之下就貿然表白，被拒。今年年頭，再約佢出離食飯，覺得夾，覺得自己仲有意思。但幾個月過左，我重係ㄧ無所有，仲係得唔到答案。我呢份人就真係咁奇怪，唔在意既野我會做得好好，在乎既野，反而會做ｄ同我真正想做既野相反既。普通朋友我通通都會送佢地翻屋企，佢呢？唔敢。其實我想同佢講架，對唔住，因為我既畏首畏尾，因為我既唔成熟，令佢無所適從。我知道佢有曾經試過同我做好朋友，其實他ㄧ直都當我係好朋友。但我既拖泥帶水令我朋友警告我可能已經被列入黑名單了。我好怕，因為我鐘意佢。我鐘意佢，但我逃避佢。可能我自己真係有ｄ問題，但我自己都唔係好清楚點解會係咁。我朋友話，我應該去下旅行，比ｄ空間自己。佢都講得有道理。但我都同我朋友講，我需要既空間係係自己裡面既，唔係地域上既空間。究竟，我幾時先會有呢種空間，幾時先有ㄧ個廣闊既胸襟去接受失敗，接受挑戰？我幾時先會成熟？