低能爸爸

今日應低年級讀TV workshop既同學之邀，做左半日babysitter。首要任務: 將兩個六，七歲既小朋友由屯門碼頭帶到市鎮公園。仲以為佢地只係請左兩個可愛小演員咁多，點知去到發現有ㄧ堆。就係咁我做左三個鐘頭奶爸，仲比其中ㄧ個比較聰明既妹釘改左個幾個花名，分別叫: 媽媽I love you, 爸爸胃仙U，楊利偉二號，莫斯科馬戲班等等。三小時既過程中，因為我同ｄ戲中係孤兒既小朋友玩得太高興，成日嘈到拍緊文戲既同學。又因為本人太鐘意細路，誤將買比工作人員既汽水比ｏ西佢地飲。重點係，我發覺看管小朋友責任有幾重大。最初，我根本唔記得數ㄧ堆小朋友中實際上係有幾個，之後有兩個走到好遠玩我都唔知道。又因為我沒有目弟實個小妹妹，搞到佢玩既時候從單槓跌左落地。終於知道點解家長們會咁緊張佢地既小朋友，原來如果自己既小孩受傷係有切膚之痛，而我好明顯就係沒有切膚之痛，唔見左ｄ小朋友，目擊個妹妹成個人飛噠落地。。。都完全沒有感覺 *<>*好彩佢地無恙。 雖然自己非常牙牙嗚，但係嘗到ㄧ種滋味，就係扮拖住ㄧ對仔女係街到大搖大擺咁行。此乃本人做人目標也。但依家既我咁做當然好唔自然，自覺好似ㄧ個超齡哥哥或者低能爸爸。究竟我幾時先會覺得自己可以做到好似我爸爸ㄧ樣既爸爸？係古代，人既壽命大概只有二十五年。生兒育女係ㄧ早既事。小弟今年二十三，照計仲有兩年就應該死，但點解我仲係咁樣樣？究竟呢個拉長左既世界係進步左定退步左？ 註: 我出生時，爸爸35歲也。咁又好似仲有好耐。