真可畏

區議員雷可畏涉打架被捕 (部分內容虛構)

葵青區議員雷可畏凌晨三時許涉嫌在公眾地方打架及妨礙司法公正被捕，他獲准保釋。據悉，由於雷過往並沒有不良行為紀錄，事件震動警方高層，政府已要求撤查是否有人為疏忽。一名不願透露姓名，自稱"笑面虎"的警官直指:"真係估唔到呢條七友(見圖)也會打交!"

雷可畏與另一名男性朋友乘坐汽車，駛至青衣寮肚路時，與另一輛私家車的司機發生衝突(車內有一名女性乘客)，兩車內共四人大打出手，警員到場調查時，雷的友人自認是司機，但警方認為有可疑，雷和他的朋友除了涉及打架外，再涉妨礙司法公正被捕。涉案的4名男女經調查後已全部獲准候查。

剛醒來既佢

今晚同個friend飲左陣野 講起點解自己咁死心塌地愛一個人 其實應該開懷D 趁後生 去玩下 其實講就講得出 我根本唔係咁既人 就算做左都唔會開心 可能係一時開心而已 講起識打扮既女仔 應該好看D 但是我同佢講 其實我最鐘意都係 唔化妝既女仔 當然打扮係好 但最好既感覺係看到最raw既一個人 當你鐘意佢既時候 看著她在床上 剛醒來那個樣 這個時候 全世界只有我才看到佢

病假

今早請了半天病假 睡了一會 吃了中藥 然後兩點先上班

Share your world

噙日終於得到一個答案 朋友話 其實個問題出於你自己 你自己根本得唔到自己既世界 同時又想將自己既黑暗既世界套於她身上 自然會造成這樣既結果 "Build your world" 他說 同一個人相處係需要sharing 我一方面 唔多懂將自己既感受同人講 另一方面又會令人覺得我有心事 常常令人無所適從 這番話令我想起之前的幾段感情 同一D沒有發展既感情 可能我呢種性格都係一個原因 他說我現在需要做既係要尋找自己既方向 做一D自己想做既事情 然後順其自然

另外回應自己話無病呻吟既問題 原來我真係有病 噙晚跟今早都好頭痛 所以食左藥

無病呻吟 (二)

但係今早起床 真係有點暈 好唔想係度講 因為我第日看到會覺得自己又在無病呻吟 但睡眠問題絕對係一個要處裡的 唔係精神不集中既問題係唔會解決既 嚴重既話 會變成大病 令身邊的人帶來麻煩

一個在香港的大陸電信酒會

今天參加了一個舉辦在金鐘某大酒店的大陸電信商的新春晚宴 發生了幾件趣事

話說 之前我家姐既老爺知道 我做金融新聞所以想我多認識行內人

本身非常不想去 又累 又冷 果間酒店去過幾千次

但哈 原來同一個地方 擺D唔同既人真係可以有兩個feel

一入到去 拿了張badge入去 因為 今天是uncle請我入去 所以我唔可以將自己記者既身分太顯露

果個活動suppose沒有記者既

所以頭十五分鐘 我都係企係度gub 唔敢approach人

行來行去 行來行去 開始聞到一D好熟悉既味 原來係羅湖商業城既味 低頭一看 原來有一位公司高層點起了 中華或紅雙喜香菸

我大淡一吸 感覺分外親切 終於回到祖國母親懷抱了

這樣下去唔係辦法 所以我陰D陰D就開始走入人堆 拿到多少卡片就多少吧

hi 我係跟uncle來學野的 我做研究, 我說 (聽起來唔會怕啦麻)

呢間公司剛剛被南早爆左單野 所以D public event都取消左

拿到卡啦 呢位係 我打比PR找了很久的某大香港電信商行政總裁 個pr一直都推我 話呢位呉先生 (香港有幾位電信商既老闆都姓呉) 好忙 不會隨便接受訪問 但是 可見他在我approach之前一個人企係度趙花生 大淡大淡咁 趙到好大聲

最近有甚麼M&A? 他問

我當然盡力講下 吸引他注意力 我講了幾單我自己聽到既野 之後講到一間公司 係菲律賓既 他說 唔係馬來西亞的嗎 我說是菲律賓的 可能馬來西亞有operation 然後他停了一停 大大聲咁話 以他所知 果間公司係馬來西亞 可是在菲律賓 有operation

wow 有見地 有意識到佢都應該不多like我 係deadair時他就咬住花生話要同人打招呼 行開左了

呢個經歷 解釋了點解我唔係行政總裁 確實係因為我不能夠像他那樣吃花生

最後吃了頓好豐滿既晚餐 喝了半瓶 紅酒 看了精采的舞獅表演 同認識了一個中國電信大家以客家人相認既行政人員 但老爺之前吩咐我唔好主動同人講野 所以我靜靜咁 吃了好多 (其實叫我來做mud 呢)然後一個人靜俏俏的閃

記者既生活 其實就係咁

悶

今天不是太有心情做野 原因係昨晚睡的不太好 上次寫blog的時候大概是一個月前 可是基本上心情都沒有大的改進

平常 在公司對住一大堆 女仔 我要保持風度 說笑的說笑 蠻有自信咁 但是其實個人表面風光 內裡十分陰悶

我既愛人 即是一年前認識果個 有左新既工作

佢十分努力 我替她開心 也希望她自己的決定是正確的

但係 我自己不懂得 找寄託 造成依賴性 漸漸令我們關係 比較疏離

昨晚跟她講了 我對這段關係的感覺 講完之後有點 舒暢了不少 我跟她說我懦弱 自私 同佔有慾大

在她沒有說我不好既情況下 我叫她再次接受我

真搞笑 朋友說你的性格一定係過往的經歷造成的 究竟我以前有過哪種經歷 ? 點解 我對愛情那麼有保留 那麼有戒心? 我怪她沒有努力過 但我究竟有沒有給她想要的? 誰能辯對錯 只能看之後造化

不開心? 現在都幾低落 我跟她講 我每段感情都盡力去做 盡力去愛 可是兩人相處 不是那麼簡單

想起我們第一次 跟她在清早上了山頂聊天 然後我在小巴上擁抱她 那麼自然 那麼簡單 現在那種感覺雖遙遠 但仍很回味

拍拖三次 25歲都來 然而我人仍不夠成熟 不夠胸襟 愛上一個小女孩也不能自拔

覺得好無奈

偷懶

今日偷得浮生半日閒 早上去澳門參加一個會議 然後因為中午之前就做到兩三單野所以也懶得再聽個seminar兩點多出左個場地 (文華) 然後行左去新的漁人碼頭 哇 一個多月之前去D野未開 現在去仲多左路封左繼續裝修 唔怪得之沒有人 本來想去果個露天bar飲杯野 可是實在太大風所以擱置計畫 搭的士去左 英皇酒店 一月開的 一進去就被 封係地上玻璃下面既金條 吸引住 雖然好明顯是假的 可是加上金黃色的燈光 真的好貴氣 我上年訪問過英皇高層佢地講到個酒店幾好幾好 原來沒有十分誇張 可是娛樂場 入口有兩個護衛 所以費事麻煩沒有入 出左酒店行到 殷王子路 好多像荃灣市中心既店舖 看見一條斜路 就上左去 發覺上面是議事亭附近的一所教堂 跟住落番去就是議事亭 係裹肚附近既一間掛住澳門馳名豬扒包既店買了個外賣豬扒包 就坐係 一張凳度食 又係義順吃了碗凍 雙皮奶 補充好體力後繼續行啊行 經過 何生既 十六埔發展項目後 竟然 入左 十月初五街 係 就係相傳十月初五的月光的拍攝場地 呢條街想去左好耐 但一直不知道在哪裡 我覺得每一個在香港住 細過三十歲既人都應該去 果度既舖頭保守估計都有三十年以上 例如 公主士多 南屏雅聚 (原本看為 南屏雞X 所以用心 查看之)等 淨看名字就知道有幾老 可想而之呢度應該沒有被財團 侵蝕過 就係咁從兩點多行到四點多 最後搭巴士到葡京酒店 參觀左果間不夜天咖啡廳 同地板會噴水既廁所後 從酒店一直行番 去碼頭 雖然最後比風吹到要吃藥 呢次偷懶實在十分成功 :D

跑鞋

今天穿了新的跑鞋去跑步 原來 真係唔同ｄ 雖然自己非常重 對鞋 真係有ㄧ點輕快的感覺 哈

已經連續四天跑左步 但最緊要我要建立到 可以跑完都唔覺跑左 而且唔會日日數住咁就好

感情處於非常被動的位置 也是 我一直的弱點 希望早點可以明朗化

CFA

報讀了三個月的CFA Level 1 course. 今天去左中環拿textbook 哇 有成四本之多 記起中六的時候 讀chem 有四大本Textbook同半米notes 之感覺 不過唯一不同的是 chem 我有兩年時間讀 而呢科我只有三個月

今晚拿起了其中一本書 看了十幾頁 又記起 中六 上楊SIR堂果陣時 果種唔讀唔得 但我又真的唔讀的矛盾心態 頁頁都是formula 而個個字我都識解 不過都是唔明 希望明天上堂 會有轉機

今天爸爸講我呢份工有個很大的好處 就是可以準時放工 每天 八點十五分 我就是搭同一班shuttle 拿住頭條日報 同做係同一班人的前面 番到公司望住個鐘 一定係九點十分 晚上基本上六點多就可以走 呢個時間好多同學都做唔到 而我就利用呢個時間 去讀一科我覺得有用 但又根本唔知係mud既野

之前係個Media party 撞到個banker 我當然抓緊機會問他照我呢家呢個情景 日後可不可以入銀行做 但他的回覆非常奇特 他說 如果你沒有讀經濟 到左四十五歲先開始做銀行 我覺得一定唔得 究竟他的意思係Mud? 耐人尋味 可是 他之後又講叫我讀MBA

如果我按照現在的計畫 我要三年才可以讀到 CFA 如果要讀埋 MBA 要大概三十歲 七年時間 好似好長 如果我現在轉向 唔讀 我會繼續做呢份工 直到幾時又不清楚 當然 生命如果太多如果 一個人就變成一個如果人 咁又仲係唔係一個真實既人?

結論係 我明天都係要去上堂

生命

事情不知道從何說起 我有一份穩定的工作 生活唔憂 比起 朋友 簡直是一個羨慕對象 有樓有車有女 基本上她她條條 就可以過埋下半世 不過 你話我開心meh 我又唔覺得 點解呢? 可從公司跟女友說起

公司就像一個會動的模型一樣 一班比lego更加一模一樣的人每天打同一個電話 講同一樣既野 電視播住同一個台 我著住同一件衣服 個個都話氣氛差 但又沒有人去嘗試努力改善 份工前途係好 可能可以找快錢 不過 當你覺得有錢沒有地方值得花的時候 這些錢 仲究竟是否屬於你的呢?

我承認跟女朋友有一些問題 雖然我們從來沒有談論過 我是一個很差既人 因為很意批評別人 基本上 我都不知道自己要的是甚麼 我還沒有找到生命 怎可以別人分享生命? 大概從我寫這篇東西 有多亂就看到我心情現在有多亂可是

我們曾經經歷過 我有投入過 但當你對事情太在乎 就會變得不理性 而我覺得在某程度上 因為我的不理性 我影響了她的心情 我一向都是一個重感情的人 我的女朋友都係 怎樣都好 希望我們可以像隔著阿媽說愛你的兩位主角一樣 從現實中找回自己 幸福peace.

對電盈完全失望

女朋友在沒有聽條款之下被昆簽了一份十八個月的寬頻電視約。整個過程她沒有看過份約，而是在電話上。電訊商一向以推銷手法低劣見稱，真估不到連PCCW都會咁。話說她ㄧ天她接到電話說有個一百元電視連寬頻的plan 她覺得抵所以叫個推銷員fax個package 來看。然後，推銷員打了個電話來說循例要讀一下條款給她聽。讀完之後才發現寬頻唔包的。但當時個推銷員態度270度轉變，話簽左沒的改云云。最慘係她打去投訴時，CS的人竟然包被那個推銷仔，話她自己沒清楚我們也幫不到你。這種態度，有否回想起九十年代電器鋪買左個貴左成倍的水壺然後番去被職員問候，然後說唔該你下次醒目D的感覺？電盈因為要成為pay TV ㄧ哥竟然請這些向icable 跟香港寬頻的低水準人做sales，實在太令人失望。而它在我心中好的形象亦破滅了。打算搞大佢，叫報界人士寫出離。

因為還沒睡著，所以說

今天買了一對耳機，兩百幾蚊。有幾種耳套可以釋放唔同既音色，入門佳品。

三點幾都睡不著，明天一定好殘。仲要去個party，想死。

後天去美國，搭中華航空。不知會否驚到睡不著。

聖誕節不能陪傻豬，不知道她會做甚麼？

Target

每一次有個Weekend到最後果日都會好夜訓搞到第二朝好眼訓的,上個禮拜表現好好.基本上達到老細係上海既目標,supervisor上個禮拜五走過來同我講,問我有問題一定要出聲因為現在唔可以失去了我.因為我pick up 得好快,同有constant two stories a day. 咁樣有好有唔好,好係他們重視我,繼續努力會有好機會 唔好既係,偷下懶都可能keep唔番之前個performance. 尤其係依家咁眼訓既情況下. 其實再過幾個月先meet target好似會正常D

垃圾會荔枝團

今日看新聞真係覺得十分搞笑,D垃圾會議員上左大陸做show,充分體現左香港人,我都唔知道點形容既,典型性格,請大家留意以下談話:

最後才決定隨團到內地考察的立法會議員詹培忠說，自己不是今次考察團的主角，形容自己是四五流議員，只是陪人做騷.

劉慧卿指部份記者採訪時，踩到她的腳.

街工的梁耀忠就說，過關時有點緊張.

四五行動梁國雄帶備標語到內地，不過就話，不準備在內地示威，因為相信傳媒無法採訪得到.

他又批評，內地不批准個別傳媒隨團採訪，準備交一籃蘋果給張德江表達不滿．

當中以劉慧卿一段訪問最中point佢係剛剛過關接受有線電視訪問時話:

"個個係度her~~~~~咁,其實都唔知係度做mud"

如果我係其中一位議員,為左出位,我會話:

今天忘記先上廁所才過關,其實有點遺憾,不過之後感受到大陸廁所的巨變,十分感動.

守得雲開見月明

幾經辛苦先將之前用開既blog的entry搬到黎新果個blog.呢個website雖然同我舊果個既差別唔太大,但勝在可以貼下相同轉下layout.之前果個,大大話話都用左成兩年.今日目弟番,原來兩年所發生既事同我既心情都可以有幾大既變化.特別係剛剛番工果陣時,原來我既怨氣係咁大既(特別在此希望現在好迷惘既你回顧我呢段悲慘經歷,以史為鑑)番左工兩年,從之前忙到update都唔得閒,到左今日可以無無聊聊咁將我之前既diary逐篇逐篇咁搬過來,證明辛苦左兩年都唔係白費既.

舊同事

琴日一個舊同事找到新工作，ㄧ大堆舊同舊舊同事聚首一堂吃飯唱ｋ。老實講，我地都真的幾好感情，你幾時會約十六個同事出離玩呢？當時氣氛真係唔遜於真情大結局，每集既主角都唔知點解會到左好姨屋企ㄧ樣。最好笑就係我地係分開到既，每有新加入既人我地都起鬨ㄧ番，又有good close up 反應，絕對可以擺個攝影師拍ㄧ集既。我地從八點半玩到四點，足足係番左ㄧ日工既時間，最後大家唔係用勁heh，而係用盡興呢兩個字離形容，我覺得實在係難得架。我以前覺得我大概ㄧ生人識到大班大班friend都大概只有三次，大中小學。宜家對我離講係ㄧ個突破。之不過，我昨晚在想，我地既話題可以sustain到幾耐呢？當我地有日互相問候之前ㄧ年做左ｄmeh既時候，呢個局就唔係咁盡興了。但事情往往係咁樣發展既，總有一日，集體回憶會fade，當各人都轉往另外ㄧ個集體既時候。所以我覺得天下無不散之筵席這句話，教我地要珍惜當下。

blog

有沒有發覺幾個月來呢個diary 都係空既？ 如果有的話, 我可以話比你知, 依家終於有ㄧｄ新野了. 最近機緣巧合咁看到同事既blog ，發覺看既人多，搭爹既人都多。究竟人將自己既也擺上網既目的係甚麼？如果話係想寫給自己看，我覺得用紙筆寫更方便。想打字，點解唔開個Word。之所以要擺上網，整到青見青見咁，無非都係想比自己鍾意既人看（鍾意既人包括爸爸，隔離屋七公，不一定係異性）。譬如話，我無啦啦貼架車出離，話；我好想買啊～～～究竟我係同人講，同空氣講，定係同人講？我相信係後者。照計一個人唔會自己係間房鎖埋門係度話；今日未屙屎添。咁掛。寫出來無人看，無人流，就無甚麼意義。我呢個blog，前幾個月都有的觀眾，他們有ｄ係ｄ朋友，有ｄ係唔識既。但因為有ㄧｄ原因，好耐都無update。依家我相信離開既人都無再離，無離開既就更加唔會離。其實寫翻野，主要係因為最近太陰悶。悶既原因就唔多講，但總之係想有人再目弟翻呢個網。非常成功地完成一個entry。講廢話真係我既專長。:D

old job

Ex-standard actually has more than one meaning. Ex is a prefix which means former and this is the major reason I chose the name. I am now a reporter for the Standard newspaper in Hong Kong but I have quit and am going to a start-up called mergermarket.com. It is for sure one of the few survivors from the dot.com burst and from what I heard they are expanding pretty fast. It is kind of an intelligence research firm which looks at the financial market and scoops out whatever valuable news that has never been reported about companies' merger and acquisition plans. A bit of a raise and a much brighter picture that comes along. The reason the current standard job is gloomy does not take a bright man to explain. On top of all subtle politics that goes on and on and the rancourous environment which results, this new job as a intelligence researcher does constitute a good development of my career or what I would call extension, where comes the second meaning of my blog's title. The third is what I would rather not mention or I would have made this page Xstandard. X from what it looks means no or anti- and Xstandard naturally means anti-the-lovely-newspaper which I have worked at for one and a half years. This place at Kowloon Bay indeed sucks being anti- is something I would not do because there are also nice people. Afterall, it is my first job.

肥胖圍

今日目弟番以前ｄ相發覺以前同依家有ㄧ個好明顯既分別﹣﹣就係根本係另外ㄧ個人。大學一年級開始同學們已經定時叫我目弟住個身子唔好比佢繼續咁落去依家畢業左比一年級我言念重左二十磅。女朋友日日叫我去健身但我三次大概只去一次，唔知道可唔可以完成六十日做三十日既創舉。但就算做到可唔可以回復以前既磅數呢？